Венада Қазақстан Республикасының Тұңғыш Президентіне күніне арналған салтанатты жиында Елбасының «Ұлы даланың жеті қыры» атты мақаласы таныстырылды және «Тар Заман» көркемсуретті фильмі көрсетілді

Ү.ж. 10 желтоқсанда Венадағы Қазақстан Елшілігінде Аустрияда тұрып жатқан, Халықаралық ұйымдарда жұмыс істейтін Қазақстан азаматтары, студенттер мен диаспора өкілдерінің қатысуымен Қазақстан Республикасының Тұңғыш Президенті күніне арналған салтанатты жиын өтті.
Қазақстан Республикасының Аустриядағы Елшісі – Вена қаласындағы Халықаралық ұйымдар жанындағы Тұрақты Өкілі Қайрат Сарыбай кездесудің ашылуында Қазақстан Республикасының тұңғыш Президентінің ролі мен Тәуелсіздігімізді нығайтуға үлес қосып келе жатқан Елбасының сыртқы және ішкі саясаты туралы қатысушыларға ақпарат ұсынды.

Толық оқу

ҚР Энергетика Министрі ОПЕК мүше мемлекеттер мен ОПЕК-ке кірмейтін мемлекеттер арасындағы бесінші Министрлік кездесуіне қатысты

2018 ж. 7 желтоқсанда ҚР Энергетика Министрі Қ.Бозымбаев бастаған қазақстандық делегация ОПЕК мүше мемлекеттері мен ОПЕК-ке кірмейтін мемлекеттер арасындағы Бесінші министрлік кездесуіне қатысты.
Отырыс барысында қатысушылар әлемдік мұнай нарығын тұрақтандыруға бағытталған бірлескен шараларды талқылады және 2019 жылы мұнай өндіру көлемін 1,2 млн. барр./күн төмендетуге қол жеткізді. Ол өзі әрбір ОПЕК мүше мемлекеттер үшін өндіруді 2,5%-ға және ОПЕК-ке кірмейтін елдер үшін, оның ішінде Қазақстан, 2%-ға қысқартуды құрайды.
Бесінші министрлік кездесуге ОПЕК мүше мемлекеттерімен бірге Қазақстан, Әзербайжан, Алжир, Ангола, Бахрейн, Бруней, Габон, Малайзия, Мексика, Оман, Өзбекстан, Ресей, Судан, Эквадор, Оңтүстік Африка мен Оңтүстік Судан қатысты.

Толық оқу

Қазақстан Республикасының Тәуелсіздік күніне арналған концерттік бағдарламасы аясында өнер көрсеткен қазақстандық музыканттардың орындау шеберлігі Веналық өнер сүйер қауымын таң қалдырды

Қараша айының 30-ші жұлдызында Вена қаласындағы әйгілі «Konzerthaus» залында көрермендердің назарына, 2015 жылдан бастап Қазақстан Республикасының Елшілігі тарапынан Аустрия және басқа да еуропа елдеріне қазақ мәдениетін танымал ету мақсатында жүзеге асырып жатқан «Қазақстан інжулері – Ұлы Дала сарыны» атты жобасы аясында концерт ұсынылды.

Толық оқу

Орталық Азия Елшілерінің Аустрия Федералды жерлеріне сапары ЕО-ның Орталық Азия аймақтарымен ынтымақтастығына жаңа серпін берді

 

Вена қаласындағы Орталық Азия мемлекеттері Елшілерінің бірлескен кездесулері мен сапарлары жақсы дәстүрге айналып, аймақты біртұтас ұстаныммен ұсынуға мүмкіндік береді. Бұл – Еуропа Одағындағы Аустрия төрағалығының ЕО-ның Орталық Азия стратегиясын дайындау басымдығының шеңберінде әсіресе маңызды. Осы орайда, 2018 жылдың 8-9 қараша аралығында Қазақстан, Қырғызстан, Тәжікстан, Өзбекстан және Түрікменстан Елшілерінің Аустрияның Зальцбург және Форарльберг Федералды жерлеріне жұмыс сапарлары өтті.
Өздеріңіз білетіндей, Аустрия, оның ішінде Зальцбург,туризм саласында әлемдік көшбасшылардың бірі болып табылады. Аустрияның осы саладағы тәжірибесі туризм саласын дамытуға үлкен назар аударып отырған Орталық Азия мемлекетерінің ерекше қызығушылығын тудырып отыр. Осыған орай, 8 қарашада делегация мүшелері туризм және қонақ үй бизнесі саласында кадрларды даярлаудың аустриялық үлгісімен танысу мақсатында Зальцбург туризм мектебінде болды. Кездесу барысында аустрия тарапы аталған саладағы заманауи оқыту әдістерімен таныстырып, Орталық Азиядағы мамандандырылған жоғары оқу орындарымен серіктестік орнату мүмкіндіктері талқыланды.

Толық оқу

Төменгі Аустрия федералдық жері Қазақстан мен екіжақты қарым-қатынасты дамытуға мүдделік көрсетіп отыр

Қазақстан Республикасы мен Аустрия Республикасының арасында өңіраралық байланыс орнату және қарым қатынасты одан ары дамыту мақсатында 2018 жылы 7 қарашада Төменгі Аустрия федералды жерінің әкімшілік орталығы– Санкт-Пёлтен қаласында Қазақстан Республикасының Құрметті консулдығының салтанатты ашылу рәсімі өтті. Оған өңірдің билік, іскер және мәдени топтардың, консулдық корпус және бұқаралық ақпарат құралдарының өкілдері қатысты.

Толық оқу

Қазақстан Венада өтетін ЯСЖТШҰ Дайындық комиссиясының кезекті отырысында ядролық сынақтарға тыйым салуға халықаралық қауымдастықты қайта шақырды

2018 жылғы 7-9 қараша кезеңінде Вена қаласында өткен Ядролық сынақтарға жаппай тыйым салу шартының Ұйымы Дайындық комиссиясының 51-отырысында Қазақстан Республикасының Вена қаласындағы халықаралық ұйымдар жанындағы Тұрақты Өкілдігінің өкілдері қатысты.
Сессияда сөз сөйлеген Қазақстан делегациясы біздің еліміздің ЯСЖТШ-ны танымал ету жөніндегі атқарған жұмысын атап өтті, оның ішінде ү.ж. 29 тамызда - Семей ядролық сынақ полигоны жабылған күнінде және Қазақстанның Президенті Н.Назарбаевтың бастамасымен БҰҰ Бас ассамблеясы жариялаған Ядролық сынақтарға қарсы халықаралық күнінде Қазақстанда ұйымдастырылған ЯСЖТШҰ Жастар тобы мен Белгілі қайраткелер тобының халықаралық конференциясы аталды.

Толық оқу

ҚР Энергетика вице-министрі М.Мырзағалиев пен ОПЕК Бас хатшысы М.С.Баркиндо жаһандық мұнай нарығын тұрақтандыру мақсатындағы алдағы ынтымақтастықтың болашағын талқылады

2018 жылы 7 қарашада ҚР Энергетика вице-министрі М.Мырзағалиев бастаған ҚР делегациясы ОПЕК-ке кірмейтін мемлекеттерге арналған жоғары деңгейдегі отырысқа қатысты.
Сапар барысында, М.Мырзағалиев ОПЕК Бас хатшысы М.С.Баркиндомен кездесуде Қазақстан мен ОПЕК арасындағы ынтымақтастықты талқылады. Бас хатшы ОПЕК-ке мүше мемлекеттер мен ОПЕК-ке кірмейтін мемлекеттердің  дүниежүзілік мұнай нарығын тұрақтандыруға бағытталған бірлескен шараларына Қазақстанның қатысу маңыздылығын атап өтті. Вице-министр сұхбаттасына Қазақстан ОПЕК-пен белсенді ынтымақтастықты жалғастыруға ниеті екеніне сендіріп, ҚР-ға ресми сапармен келуге шақырды.

Толық оқу

«Қазақстандық суретші, «АТОМ Жобасының» Құрметті Елшісі Кәріпбек Күйіков Аустрияда «Ядросыз болашақ» сыйлығына ие болды»

Қазақстанның Аустриядағы Елшісі Қайрат Сарыбай «Ядросыз болашақ» сыйлығының иегерлерін олардың ядролыққа қарсы қызметі жоғары бағаланғаны үшін құттықтап, Кәріпбек Күйіковтың марапатталануы - қарусыздандыру мен таратпау жаһандық үдерістерінде Қазақстанның рөлі және Мемлекетіміз басшысы Н.Назарбаевтың бастамаларының мойындалуының көрсетікіші болып табылады атап өтті.

Толық оқу

Словенияның Повир елді мекенінде Екінші дүниежүзі соғысының жауынгері «Кассе Себеро» қабіріне Қазақстан жері салынған капсула қойылды

2018 жылдың 20 қазанында Словенияның Приморск өңіріндегі Повир елді мекенінде Югославия партизандарымен бірге шайқасқан және 1943 жылы фашизмге қарсы күресте өз өмірін қиған қазақстан батыры «Касса Себероны» еске алу салтанатты жиыны өтті.

Толық оқу

Қазақстан Президенті Нұрсұлтан Назарбаевтің «Азия-Еуропа» ХІІ саммитінде (АСЕМ) сөйлеген сөзі

(Брюссель, 19.11.2018)
Құрметті төраға,
Құрметті Саммит қатысушылары,
Қазіргі таңда әлемнің түпкір-түпкірінде әр-түрлі қақтығыстардың көбеюі, санкция және сауда соғыстарының өршуі жағдайында халықаралық саясат шиеленістің шегіне жетіп отыр.
Біз бүгін «АСЕМ» форумының саммитін осы проблемаларды шешу үшін пайдалануымыз қажет.
Біздің тарихтан білуімізше, негізгі күштер арасындағы прагматикалық диалог жаһандық тұрақтылық пен қауіпсіздіктің кепілі.
Өкінішке орай, қазіргі кезде әлем табысты диалог пен өзара түсіністікке қол жеткізе алмай келеді. Бәріміз өткен ғасырдың 60-жылдарындағы Кариб дағдарысын, НАТО шекарасының Ресейге жақын келуін еске салатын бүгінгі экономикалық және саяси текетірестерге куә болып отырмыз.
Біз болашақты бірге қалай құрамыз, бұл мәселені шешпей бәрін қамтитын тұрақты өнімге қалай қол жеткіземіз?
Осы себептен бұл саммит АҚШ, Ресей, Қытай сияқты әлемнің ірі елдері мен Еуропа Одағын халықаралық шиеленістерді шешудің жолын іздеуге шақыруы қажет.
Егер бұл орын алмаса:
Біріншіден, Сириядағы, Украинадағы және өзге де елдердегі қақтығыстар мен жанжалды реттемесек, ахуал одан да күрделене түседі;
Екіншіден, жаппай қыру қару-жарақтарының таралу қаупі сейілмейінше, халықаралық терроризм басты мәселе болып қала бермек;
Үшіншіден, әлемдік экономикадағы жағдайдың күрделене түсуіне байланысты кейбір кедей мемлекеттердің ахуалы одан әрі қиындайтынын және бұл өз кезегінде адамзат үшін  елеулі қауіп-қатерге негіз болады.
Мемлекеттер көшбасшылары Екінші Дүниежүзілік соғыстан кейін де, терроризмге қарсы күресте де өзара тіл табысақаны бәрімізге мәлім.
Бұл қазір де заман талабы.
Сондықтан, мен жоғарыда атап өткен (АҚШ, Ресей, Қытай, Еуропа Одағы) елдерінің басшыларын диалогқа шақырамын. Бұл мәселе БҰҰ Бас Ассамблеясының арнайы сессиясында да қарастырылуы мүмкін.
Тіпті қажет болса, Астана алаңын пайдалануды ұсынамын.
Қорыта келгенде, Қазақстанның Азия мен Еуропадағы жаһандық сын-тегеуріндерге қарсы тұруға бағытталған серіктестікке белсенді атсалысуға дайын.
Біз Азия мен Еуропаның ортасында орналасқан ел ретінде Еуропа мен Қытайды жақындату үшін жолдар мен темір жол терминалдарын салдық.
Назарларыңызға рахмет.